bestfriends

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
bestfriends

الأصدقاء الحقيقون يصعب إيجادهم ، يصعب تركهم ، ويستحيل نسيانهم ...


3 مشترك

    الروتين اليومي للحفاظ على بشرتك

    Kenzy
    Kenzy


    تاريخ التسجيل : 24/08/2009
    عدد المساهمات : 1183
    العمر : 32
    المزاج : الحمد لله
    انثى

    a8 الروتين اليومي للحفاظ على بشرتك

    مُساهمة من طرف Kenzy الأحد 27 يونيو 2010 - 4:13

    السلام عليكم ورحمة الله وبركاته

    بعض وصفات "رانيا موسى" خبيرة التجميل بالأعشاب والمواد الطبيعية اللي نصحت بها لعلاج مشاكل الشعر المختلفة..


    الأفوكادو لنقاء البشرة

    الأفوكادو ثمرة مفيدة جداً للبشرة؛ لأنها بتضيف حيوية ونضارة على البشرة وبترطبها وبتمنع الشوائب من إنها تدخل في مسام البشرة وتقدري تجيبي "الأفوكادو" من السوبر ماركت الكبيرة أو من منافذ بيع وزارة الزراعة..



    ودي مكوّنات ماسك "الأفوكادو" للبشرة:

    نصف ثمرة أفوكادو "طرية"
    معلقة عسل نحل
    مغلي زهرة الكاموميل "الشيح"


    الطريقة:

    قشّري ثمرة البابونج، وشيلي البذرة اللي فيها وخدي القلب بتاعها، واخلطيه مع العسل ومغلي الكاموميل، وحطي الماسك ده على بشرتك وسيبيه لمدة ساعة وبعد كده اشطفيه بالماء الفاتر.

    ولو عايزة تعملي به حمام كريم لشعرك ممكن تعملي نفس الطريقة بنفس المكوّنات دي، بس تضيفي عليهم كمية من حمام الكريم اللي بتستعمليه، وتقدري كمان تعملي به حمام زيت بإنك تضيفي على نفس المكونات اللي فاتت مجموعة زيوت مغذية زي زيت السمسم وزيت الجرجير.

    يعني ممكن بمنتهى البساطة إننا نعمل الماسك ونحط منه كمية على بشرتنا، وبعد كده نضيف على الجزء الباقي حمام الكريم أو الزيوت وتحطي منه على شعرك.


    ملحوظة:

    مغلي الكاموميل ده بتعمليه بإنك تجيبي زهرة الكاموميل وتغليها كويس أوي مع شوية مية على النار، والمية اللي بتطلع دي هي اللي بتستخدميها في الماسكات.

    بالنسبة لثمرة "الأفوكادو" فلازم تكون طرية، ولو اشترتيها وكانت ناشفة شوية ممكن تسيبيها شوية بره الثلاجة علشان تطرى.


    الروتين اليومي للحفاظ على بشرتك 86279 الروتين اليومي للحفاظ على بشرتك 86279 الروتين اليومي للحفاظ على بشرتك 86279 الروتين اليومي للحفاظ على بشرتك 86279

    الروتين اليومي للمرأة العاملة


    1- ضرورة عمل ماسكات خفيفة وسريعة لترطيب البشرة ونضارتها بشكل يومي أول ما يصحوا من النوم وقبل ما يخرجوا، فمثلاً بالنسبة لأصحاب البشرة الجاف ممكن يمسحوا بشرتهم قبل ما ينزلوا بقطنة مبللة باللبن الساقع، ويسيبوه على بشرتهم وبعد كده يغسلوه بمية فاترة قبل ما ينزلوا، أما أصحاب البشرة الدهنية أو المركبة فممكن يعملوا نفس الطريقة، ولكن يستبدلوا اللبن الساقع بعصير الخيار، أما أصحاب البشرة الحساسة فيستخدموا عصير الجزر.

    2- ولو ما فيش وقت لعمل عصير الجزر أو الخيار، ممكن نعمل منهم كمية ونحطها في أي زجاجة عطر بالبخاخ، ونحتفظ بها في الثلاجة ونرش منها على بشرتنا كل ما نحتاج، بس ناخد بالنا إن أقصى وقت ممكن نحتفظ فيه بالعصائر دي في الثلاجة هو من 4 إلى 5 أيام، في حالة إن الخيار والجزر يكون طازة وفي حالة جيدة.

    3- الاكتفاء بميك أب خفيف لفترة الصبح؛ لأن الميك أب وكريم الأساس التقيل ممكن يعمل بقع على البشرة، وخصوصاً مع التعرّض للشمس، ونصحت باستخدام البودرة السايبة؛ لأنها بتكون أخف على البشرة من البودرة المضغوطة.

    4- استخدام الصن بلوك المناسب لنوع البشرة قبل التعرّض للشمس، ونصحت باستخدام صن بلوم فوتو ديرم

    5- الاهتمام بالنظافة الشخصية لأقصى درجة، وأن الاستحمام يجب أن يكون بشكل يومي، ومن الأفضل لو كان مرتين في اليوم سواء في الصيف أو الشتاء.


    يارب تكون عجبتكم النصائح وتفيدكوا ان شاء الله الروتين اليومي للحفاظ على بشرتك 531709
    Over 7 Years
    Over 7 Years
    مشرف

    تاريخ التسجيل : 11/09/2009
    عدد المساهمات : 703
    العمر : 32
    المزاج : الحمد لله
    انثى

    a8 رد: الروتين اليومي للحفاظ على بشرتك

    مُساهمة من طرف Over 7 Years الأحد 27 يونيو 2010 - 7:09

    نصائح مفيده و جميله قوى يا كوكى

    ميرسى قوى الروتين اليومي للحفاظ على بشرتك 800860


    _________________
    سبحان الله وبحمده...سبحان الله العظيم
    Dreams
    Dreams
    عضو مميز
    عضو مميز

    تاريخ التسجيل : 14/09/2009
    عدد المساهمات : 102
    العمر : 31

    a8 رد: الروتين اليومي للحفاظ على بشرتك

    مُساهمة من طرف Dreams الإثنين 28 يونيو 2010 - 6:44

    ميرسي يا كنزي

    بس يا ريت نبطل كسل و نعملهم

      الوقت/التاريخ الآن هو الخميس 23 سبتمبر 2021 - 17:37