الرئيسية
أحدث الصور
التسجيل
دخول
من طرف 
قصة اتنين مخطوبين من اول لقاء لحد الجواز ...فيها خناقات
و فيها عتاب و فيها غيرة و فيها حب و فيها كللللللل حاجه....قصة أحمد و ندا
يلا بينا الحلقة الاولى
"مش عايز اتجوز.. كل اللي اتجوزوا بيعانوا من زوجاتهم و انا مش ناقص وجع دماغ" لما بابا سألنى ايه مواصفات البنت اللى بتحلم بيها قلتله اخلاق و دين و جمال و خفة دم و ما تخنقنيش و تكون هادية و تسمع الكلام و اللى اقوله يمشى
(تاثرا باغنية انا اللى اقوله اللى اقوله يمشى )احمد
"مش عايزة اتجوز مش عايزة واحد يعاملنى جارية عايز اللى يقوله يتنفذ..
لازم يبقى فى نقاش" ده الرد اللى قولته لماما لما قالتلى انتى جوزك لازم تسمعى كلامه و متعندوهشندا
اللقاء
و انا ماشى النهارده فى الشارع شوفت بنت جميلة جدا بس طبعا ما كلمتهاش عرفت بالصدفة انها قريبة واحدة ساكنة معانا فى العمارة اول ما لقيتها فى العمارة ركبت معاها الاسنسير و طبعا وصلتها للدور اللى هى فيه الاول
احمد
و انا ماشية النهارده فى الشارع كان فى واد ماشى ورايا و فوجئت و بينى و بينكم اتخضيت لما لقيته طالع معايا فى الاسنسير
ندا
لما دخلت الشقة اتغديت و لبست و نزلت عشان اقابل اصحابى فى النادى ياسبحان الله البت دى مظبطة مواعدها معايا و لا ايه
انا و نازل لقيتها هى كمان تانىاحمد
ايه حكاية الواد ده بقى
تانى مرة اشوفه بس المرة دى احلى من المرة اللى فاتت الطقم اللى لابسه المرة دى اشيك المهم انا فى طريقى دلوقتى للنادى اصحابى مستنينى هناك و عزمينى على الغداندا
ياااه الواحد اخر شياكة دخلت النادى و لقيتى اصحابى و قعدت معهم وضحكنا ضحك على واحد صاحبى خاطب بقاله شهر و بيقول خطيبته بعد الخطوبة اتحولت مش دى اللى انا خطبته كلامه خوفنى اكتر من الخطوبة و قلت لاصحابى انا البنت اللى اخطبها لازم تكون رقيقة و هادية بس ايه اللى يضمنلى انها ما تتحولش و مصيبة لتتحول بعد ما نتجوز مش بعد ما اخطبها الواحد محتار البنات دول مصايب
احمد
وصلت النادى و قابلت اصحابى و كانت واحدة بتشتكى من خطيبها انه مش رومانسى و انه حياته كلها جد و هزار مفيش رومانسية ابدا انا ما عجبنيش كلامها قالتلها اهم حاجة الاخلاق و خفة الدم
ندا
واحنا قاعدين فى النادى كان فى شلة بنات جمبنا هما مش جمبنا بالظبط هما فى وشنا للامانة يعنى المهم انهم كانوا عاملين يضحكوا و يتريقوا لما بصيت هى مش بصة قوى هى نص بصة عشان نغض البصر لقيت البنت اللى كانت معايا فى الاسنسير لا البنت دى كده مستقصدنى بس استقصاد جميــــــــــــــــــــــــــــــــــــــــــل
اول ما شفتها بحلقت و نسيت غض البصر و كل حاجة مش بقولكم البنات دول مصايب بيجيبوا الذنب للواحد اللذيذ بقى انها كمان بصتلى شكلها حست بى انا و ببحلق اول ما بصتلى وديت وشى الناحية التانية و لا كانى موجود
احمد
واحنا قاعدين انا و اصحابى كان فى شلة اولاد قاعدة و عاملين يحكوا و يتريقوا على واحد صاحبهم لسه خاطب
،،اللذيذ بقا ان احنا قعدنا ساكتين و بقينا نسمعهم بس ،باين عليهم عيال مصايب دمهم خفيف جدا انا و قاعدة حسيت ان فى حد منهم بيبصلى و يبحلق لما بصيت ده الواد بتاع الاسنسير لا الموضوع كده مش طبيعى الواد ده شكله بيراقبنى و لا ايه انا خايفة انا النهارده هاخلى واحدة من اصحابى تروحنى مع ان الواد وسيم و باين عليه مؤدب و .....و .........و ....... و.. بس و لو ايه اوعى الواد يغركيا ندا اوعى اوعى
ندا
فات كام يوم و البنت ما بتجيش تزور قريبتها اللى فى العمارة
يمكن بتيجى و انا ما باشوفهاش بس انا اديت 5 جنيه لعم حسن البواب اول ما يشوفها يرن عليا من موبايله حتى البوابين بقوا يجيبوا موبايلات روقان لا و N80 نوكيا رجل مواكب عصره بس انا مهتم بالبنت دى ليه اليومين دول اوعى يا احمد تكون بتحبها 
،، يا احمد اوعى لاحسن تدبس فى جوازة و تلاقيها بعد كده اتحولت انا مش عارف بقى ايه اللى حصلى البت دى باين عمله لى عمل لا ايه بس البنت رقيقة و جميلة و أمورة جدا و دمها خفيف ده كفاية لما تتريق على اصحابها فوق يا احمد مش بقولك عامله عمل و باين على الجن مصور بن جنية و شايف شغله بس و لو مش هنخدع و اخطبها و بعدين القيها اتحولت ما كلهم بيقولوا كده فى الاول و بيطلعوا فى الاخر كدابين(تاثرا بعمرو دياب)احمد
ها...ايه رأيكم؟
فاصل ونواصل...فانتظرونا
بس يا رب النمل ما يتلمش عليا
(مسكينة ما تعرفش)
و طلبوا الغدا و بيتكلموا..
((من جواها طبعا))
