من طرف Cheva الأربعاء 25 نوفمبر 2009 - 0:37
ياااااااااااااا
الموضوع ده كان مستخبي فين
انا اول مرة اشوفه
حلو الموضوع اوي يا كنزي
..................................
اما بخصوص رأيي بقي
فأنا عندي عشم في ربنا انه هايكرمني بواحده ماعندهاش اي ماضي
بس بجد بقي
لو حصل و ارتطبت بواحدة كان عندها ماضي
فأولا علي حسب الماضي ده
في حاجات ماينفعش الواحد يعديها و يقول مش مشكلة المهم المستقبل
و في حاجات الواحد ممكن ينساها عادي و مش تأثر خالص علي حياتنا
...............
و خلي بالك يا كنزي من حاجة
الطيبون للطيبات
يعني انتي ماينفعش تكوني انسانه كويسه و ربنا يرزقك بواحد ماضيه اسود و مهبب
و برده ماينفعش انا اكون انسان مش كويس و ليا ماضي سئ و لما انوي الجواز اقعد ادور ع البنت المثالية اللي ملهاش اي ماضي في الدنيا كلها
..................
و بعدين في حاجة كمان
الصراحة مطلوبة جداااااااا في المواقف اللي زي دي
يعني انا لو ارتبطت بواحدة و كان ليا ماضي
لازم لازم اعترفلها بكل حاجة و في نفس الوقت احترم رد فعلها
يعني انتي مثلا يا كنزي قولتي هاتبقي مضيقة شوية مش زي الاول
ممكن حد غيرك يقول عادي المهم دلوقتي هو عامل ازاي
انا اقولها كل حاجة بصراحة و هي براحتها بقي
عشان حتي مش نبتدي حياتنا بالغش و الكذب
و زي مانا كذبت عليها
ممكن تكون هيا كمان بتكذب عليا
و ماحدش عارف يمكن انا لما اصرحها
تاخد هي الشجاعة و تفتح قلبها
و المستخبي يبان بقي و العيلتين يقعوا في بعض